Granbar er eit nydeleg, moderne quiltemønster frå norske Scandiquilts. Her blir klassiske ruter sette saman på ein spennande måte slik at dei dannar eit grafisk motiv som minner om granbar og stjerner.

Mønsteret passar spesielt fint til restestoff og stoff du har samla på over tid. Du kan lage det roleg og harmonisk i få fargar, slik som modellen i grønt, blått og lyse tonar – eller gå laus på restekassa og lage di heilt eiga fargerike utgåve.

Vanskegrad: Nybegynnar

Mønsteret inneheld framgangsmåte og stoffberekning til fire ulike storleikar:

Baby: 126 × 126 cm Pledd: 168 × 168 cm Medium sengeteppe: 210 × 210 cm Dobbelt sengeteppe: 251 × 251 cm

🌲 Perfekt til restestoff! Vil du sy Granbar som resteteppe, treng du tilsvarande stoffmengde fordelt på mange ulike stoff. I mønsteret får du hjelp til å sjå kor store og kor mange kvadrat du treng til den storleiken du vel.

Eit flott mønster både for deg som er ganske fersk i lappeteknikk, og for deg som berre har lyst på eit koseleg prosjekt der du kan leike deg med fargar og stoff frå hyllene dine. 🧵💚

Designer: Helene Moe Slinning / Scandiquilts